«Ուաշինկթըն Փոսթ»ի Անդրադարձը Ցեղասպանութեան Մասին Պատմող «Խոստումը» Ֆիլմին

0

«Ուաշինկթըն Փոսթ» թերթը դարձեալ անդրադարձած  է Հայոց Ցեղասպանութեան մասին պատմող «Խոստումը» ֆիլմին մասին։ «Առաջին Համաշխարհային պատերազմի տարիներուն, հայերու զանգուածային ջարդերուն մասին պատմող հոլիվուտեան առաջին մեծ ֆիլմը՝ «Խոստումը», ֆիլմերու համացանցային տուեալներու կեդրոնի ցանցին վրայ (IMDb) գնահատած են 111,300 անձեր, սակայն ֆիլմը ցուցադրուած է միայն քանի մը անգամ», կը յայտնէ թերթը:

Թերթը կը տեղեկացնէ նաեւ, որ այսպիսի բուռն արձագանգի պատճառը այն է, որ ֆիլմը բարկացուցած է մարդոց, որոնք կը հերքեն, որ 1915-1923 թուականներու ընթացքին 1 միլլիոն հայեր սպաննուած են Օսմանեան կայսրութեան կողմէ եւ թէ սպանութիւնները կատարուած են ցեղասպան քաղաքականութեան հետեւանքով:

Աղբիւրը կը նշէ, որ հազարաւոր մարդիկ, մեծ մասամբ Թուրքիոյ բնակիչներ, IMDb-ի վրայ ամենացած վարկանիշը տուած են ֆիլմին. Հակառակ անոր, որ շատ երկիրներ եւ պատմաբաններ հայերու զանգուածային կոտորածները կը բնորոշեն իբրեւ ցեղասպանութիւն, Թուրքիան բուռն կերպով կը մերժէ այդ եզրը:

Թերթը կը գրէ, թէ Մարտ ամսուն «Խոստումը» ֆիլմի ցուցադրութենէն մէկ շաբաթ առաջ, այլ ժապաւէն մը յայտնուած է «Օսմանեան Հարիւրապետ» խորագիրով: Ֆիլմը, որ բեմադրուած է թուրք բեմադրիչի մը կողմէ, նոյնպէս կը ներկայացնէ սիրային պատմութիւն  մը՝ նոյն ժամանակաշրջանին մէջ, սակայն՝ ժխտելով ցեղասպանութիւնը:

Share.

About Author

Leave A Reply