Գամիշլիի Ս. Յակոբ Եկեղեցւոյ Մէջ Յիշատակուեցաւ Հրաշափառ Ս. Յարութեան Տօնը

0

Կիրակի, 16 Ապրիլ 2017-ի առաւօտեան ժամը 8:30-ին Գամիշլիի Ս.Յակոբ եկեղեցւոյ մէջ Ս. Եւ Անմահ Պատարագ մատուցուեցաւ մեր Տիրոջ Յիսուս Քրիստոսի հրաշափառ Յարութեան տօնին առիթով:

Օրուան խորհուրդն ու պատգամը փոխանցեց հոգշ. դոկտ. Ռուբէն Աբղ.Նալպանտեան, հոծ հաւատացեալներու ներկայութեան:

Նախքան պատարագին աւարտը, եկեղեցւոյ թափօրը ՀՄԸՄ-ի փողերախումբին եւ սկաուտական խումբերուն ընկերակցութեամբ ուղղուեցաւ առաջնորդարանի շրջափակ, ուր շարունակուեցաւ արարողութիւնը:
Աւարտին, փողերախումբը ազգային երաժշտութեամբ խանդավառեց ներկաները, «Կիլիկիա» երգին միացաւ նաեւ հաւատացեալ բազմութիւնը:

Երկուշաբթի, 17 Ապրիլ 2017-ին Գամիշլիի գերեզմանատան մէջ տեղի ունեցաւ ննջեցեալներու հոգեհանգստեան արարողութիւն՝ հանդիսապետութեամբ հոգշ. դոկտ. Ռուբէն Աբղ. Նալպանտեանի:

Յայտնենք, որ Գամիշլիի Ս. Յակոբ եկեղեցւոյ մէջ Ծաղկազարդի պատարագը եւ անոր յաջորդող Աւագ շաբթուան բոլոր արարողութիւնները հանդիսապետեց հոգեշնորհ հայր սուրբը:

Բժշկհ. Մարի Մելքոն

Share.

About Author

Leave A Reply