Ուիքի դասընթացքի արձանագրութեան հարցաթերթիկ

0
«Վիքիմեդիա Հայաստան» գիտակրթական հասարակական կազմակերպութիւնը «Գալուստ Կիւլպէնկեան» հիմնարկութեան աջակցութեամբ կը կազմակերպէ «Ուիքի դասընթացք-հաւաք՝ սփիւռքի կրթական հաստատութիւններու, մամուլի աշխատակիցներու եւ հետաքրքրուած անհատներու համար», ուր իրենց մասնակցութիւնը պիտի բերեն տարբեր երկիրներէն արեւմտահայերէնի տիրապետող եւ համակարգիչի օգտագործման ծանօթ ուսուցիչ-ուսուցչուհիներ, լրագրողներ եւ հետաքրքրուող անհատներ:

Դասընթացքը նպատակ ունի «Ուիքիփետիա»-ի համակարգողներ պատրաստել սփիւռքի տարածքին՝ զարգացնելու «Արեւմտահայերէն Ուիքիփետիա»-ն եւ տարածելու «Ուիքիփետիա»-ի մասնակցութեան գաղափարները եւ գործիքներու տիրապետումը։ Մէկ շաբթուան տեւողութեան մասնակիցները պիտի ծանօթանան «Ուիքիփետիա»-ի գաղափարախօսութեան եւ խմբագրութեան գործիքներուն ու եղանակներուն։

Դասընթացքը տեղի պիտի ունենայ Աղուերանի մէջ (Հայաստան)։ Ժամանակամիջոց՝ 10 – 17 Յուլիս, 2017։

Արձանագրութեան հարցաթերթիկ կրնաք ստանալ հետեւեալ կապէն Ուիքի դասընթացքի արձանագրութեան հարցաթերթիկ: Իսկ դիմելու ժամկէտը կը լրանայ 15 Մայիսին:

Share.

About Author

Leave A Reply