Սուրիոյ Արտաքին Գործոց Նախարարութիւն. «ԱՄՆ-ի Յօրինած «Սէյտնայայի Բանտին Մէջ Ողջակիզում»ի Զրպարտութիւնը Հոլիվուտեան Նոր Վէպ Մըն Է Պարզապէս

0

Սուրիոյ Արտաքին Գործոց Նախարարութիւնը հաստատեց, որ ԱՄՆ-ի սուրիական կառավարութեան ուղղած «Սէյտնայայի բանտին մէջ ողջակիզում» իրականացուցած ըլլալու զրպարտութիւնը քիմիական զէնքերու եւ պայթուցիկ տակառներու օգտագործման նոյն յանկերգին շարունակութիւնն է, որ իրականութեան չի համապատասխաներ:

Նախարարութիւնը աւելցուց, որ ասիկա ապատեղեկատուութիւն է, ԱՄՆ-ի վարչակարգին ու անոր գործակալներուն երեւակայութեան արդիւնքն է՝ յայտնելով որ Սուրիա չի զարմանար Ժընեւի կամ Ասթանայի իւրաքանչիւր հանդիպման նախօրէին հնչած նման զրպարտութիւններէ, որովհետեւ անոնք բացայայտօրէն կ՛արտացոլեն յօրինող կողմին նպատակները:

Share.

About Author

Leave A Reply