Ասմունքի դասընթացք սկսելու լուրը մեծ ուրախութիւն պարգեւեց ինծի, որովհետեւ ընտանիքս եւ ես շա՜տ մեծ սէր եւ հետաքրքրութիւն ունէինք բանաստեղծական գոհարներ տպաւորիչ առոգանութեամբ ունկնդրելու կամ ասմունքելու։
Սկսայ հետեւիլ դասընթացքին, եւ առաջին օրէն իսկ շատ ուրախ էի տեսնելու գրասէր ընկեր-ընկերուհիներս։
Ամէն անգամ երախտապարտ կը զգայի դասընթացքի գաղափարը յղացողին ու զայն յաջողցնողներուն։
Մեր ուսուցիչները բացատրեցին, որ բանաստեղծները իրենց գործերով կ’արտայայտեն իրենց սէրն ու այլազան մարդկային ապրումները, նաեւ հայրենասիրութիւնը։ Ասմունքելով զգացի քերթուածը արտասանելու հաճոյքը եւ զայն աւելի լաւ ըմբռնեցի, թափանցելով գրողին ներաշխարհը։
Ասմունքելով համարձակութիւն ունեցայ բեմերու վրայ անկաշկանդ հանդէս գալու։
Արինա Պօշկէզէնեան
Ազգ.Քարէն Եփփէ Ճեմարան
Թ. կարգ