Չորեքշաբթի, 28 Ապրիլ 2021-ին, Սուրիոյ Խորհրդարանի նախագահ Համմուտա Սապպաղ Սահմանադրական բարձրագոյն դատարանէն տեղեկացաւ, որ ինն նոր քաղաքացիներ եւս իրենց թեկնածութիւնը առաջադրած են Սուրիոյ նախագահութեան պաշտօնին: Անոնք են՝ Ահմատ Ղիաս Մուհամմէտ, Շաֆիք Սայտաուի, Թալիհ Սալէհ Նասէր, Պաշիր Մուհամմէտ Պալահ, Խալէտ Իսա ալ Իսա, Ֆայէզ Քամալ Ճըհա, Ուիսէմ ատտին Ապտ ուլ Ռահման Օսման, Մուհամմէտ Հապիպ Արուս, ճապր Մահմուտ Խալաֆ եւ Մուին Ահմատ Իպրահիմ։ Յիշենք, որ Կիրակի, 18 Ապրիլ 2021-ին, Սապպաղ յայտարարած էր, որ նախագահական ընտրութիւններու թեկնածութեան արձանագրութիւնը կը սկսի Երկուշաբթի, 19 Ապրիլ 2021-ին եւ կ՛աւարտի Չորեքշաբթի, 28 Ապրիլ 2021-ին։ Թեկնածուներու ընդհ. թիւը հասաւ 50-ի: