Երկուշաբթի, 7 Մայիս 2021-ին, ՍԱՆԱ հաղորդեց, որ թրքական ուժեր եւ անոնց ենթակայ զինեալ ահաբեկչական խմբաւորումներ բազմաթիւ հրթիռներ արձակեցին Հալէպի հիւսիսային արուարձանին շրջակայքը գտնուող գիւղերու ուղղութեամբ։
Տեղական աղբիւրներ ՍԱՆԱ-ի հաղորդեցին, որ հրթիռները արձակուեցան Աֆրինի շրջակայքը գտնուող «Մարաանազ» եւ «Աքլամիէ» գիւղերուն ուղղութեամբ, որուն հետեւանքով հսկայ տարածութեամբ ցորենի գիւղատնտեսական հողեր հրկիզուեցան։