«Թերթ».-Քաղաքագէտ, վերլուծաբան Նիկոլա Սպիրիդոնով 7 Յունիսին տեղի ունեցած ասուլիսի ընթացքին անդրադարձած է 20 Յունիսի արտահերթ խորհրդարանական ընտրութիւններուն` ներկայացնելով Երեւանի եւ ՀՀ մարզերուն մէջ հայաստանեան գործընկերներուն հետ «Ինթըր ակցիա» հանրային զարգացման կեդրոնի (Центр общественного развития ,Интер-Акцияէ) կատարած ըներային ցանցերու արդիւնքները, որոնք քաղաքացիներու նախընտրական տրամադրութիւններուն կը վերաբերին: Ըստ այդմ, Երեւանի կտրուածքով Նիկոլ Փաշինեանի «Քաղաքացիական Պայմանագիր» կուսակցութիւնը ստացած է ձայներուն 16,3%-ը, ՀՀ երկրորդ նախագահ Ռոպերթ Քոչարեանի գլխաւորած «Հայաստան» դաշինքը` 21,6%, «Պատիւ ունիմ» դաշինքը (Արթուր Վանեցեան)` 10,8%, «Բարգաւաճ Հայաստան» կուսակցութիւնը (Գագիկ Ծառուկեան)` 4,2%, «Լուսաւոր Հայաստան» կուսակցութիւնը (Էտմոն Մարուքեան)` 4,6%, «Սասնայ Ծռեր» կուսակցութիւնը` 2,1%, «Հայ Ազգային Քոնկրէս»-ը (Լեւոն Տէր Պետրոսեան)` 1,7%, առայժմ չկողմնորոշուածները` 22,6%: Մարզերուն պատկերը հետեւեալն է. «Քաղաքացիական Պայմանագիր»` 27,3%, «Հայաստան» դաշինք` 14,1%, «Պատիւ Ունիմ» դաշինքը` 8,2%, ԲՀԿ-ն` 6,1%, ԼՀԿ-ն` 3,7%, «Սասնայ Ծռեր»-ը`1,3%, ՀԱԿ-ը` 0,7%, չկողմնորոշուածները` 25,1%: Յատկանշական է, որ պատասխանողներուն 63%-ը ըսած է, որ ընտրութիւններէն վերջ երկրի ներքաղաքական իրավիճակը կը կարգաւորուի, մինչդեռ 18%-ը հակառակ կարծիք ունի: Ապագայ խորհրդարանի եւ կառավարութեան գլխաւոր հարցերը 73%-ը կը համարէ երկրի անվտանգութեան ապահովումը, 12%-ը` տնտեսական հարցերու յաղթահարումը, 7%-ը` փտածութեան դէմ պայքարը: Մեկնաբանելով արդիւնքները` Սպիրիդոնով յայտնած է, որ հիմնական պայքարը պիտի ծաւալի ՔՊ-ի, «Հայաստան» եւ «Պատիւ Ունիմ» դաշինքներու միջեւ: Ան յայտնած է, որ վերջին ամիսներու ընթացքին ընդդիմադիր ուժերու վարկանիշը բարձրացած է, իշխանական կուսակցութեան վարկանիշը` նուազած: