Երեքշաբթի, 6 Յունիս 2021-ին, ՍԱՆԱ հաղորդեց, որ Հնդկաստանի արտաքին գործոց նախարար Սանճայ Պաթաշարիա հանդիպում ունեցաւ Հնդկաստանի մէջ Սուրիոյ դեսպան դոկտ. Ռիատ Ապպասի հետ, որուն ընթացքին իր երկրին աջակցութիւնը յայտնեց Սուրիոյ՝ քաղաքական, տնտեսական, գիտական, մշակութային եւ մարդասիրական մակարդակներով։ Ան փափաք յայտնեց, որ Սուրիան մօտօրէն դուրս գայ ահաբեկչական պատերազմի հետեւանքներէն, յատկապէս նախագահական վերջին ընտրութիւններէն ետք։ Կողմերը խորհրդակցեցան նաեւ երկու երկիրներուն միջեւ գործակութեան եւ Հնդկաստանի Սուրիոյ վերականգնումի աշխատանքներուն մաս կազմելու միջոցներուն շուրջ։ Ապպաս դիտել տուաւ, որ Հնդկաստան որպէս Սուրիոյ բարեկամ երկիր կարեւոր դեր պիտի ունենայ վերականգնումի փուլին մէջ։