Սահմանադրական դատարանը որոշեց գործադրութեան տակ ձգել Հայաստանի Հանրապետութեան Կեդրոնական Ընտրական Յանձնախումբի որոշումը 20 Յունիս 2021-ին տեղի ունեցած արտահերթ խորհրդարանական ընտրութիւններու արդիւնքներուն մասին:

«Արմէնփրէս»-ի համաձայն, Սահմանադրական Դատարանի որոշումը ընթերցեց դատարանի նախագահ Արման Դիլանեան: «Սոյն որոշումը վերջնական է եւ գործադրութեան կը դրուի հրապարակման պահէն», ըսաւ Դիլանեան:

Ան յայտնեց, որ որոշումին ամբողջական բնագիրը օրէնքով սահմանուած եռօրեայ ժամկէտի մէջ պիտի հրապարակուի Սահմանադրական Դատարանի կայքին վրայ եւ առաքուի կողմերուն:

Յիշեցնենք, որ Սահմանադրական Դատարանը որոշած էր միաւորել ընտրութիւններու արդիւնքները վիճարկելու առնչութեամբ «Հայաստան» եւ «Պատիւ Ունեմ» դաշինքներու, «Զարթօնք» եւ «Հայոց Հայրենիք» կուսակցութիւններու դիմումները, որովհետեւ դիմումները կը վերաբերէին նոյն հարցին: Միաւորուած գործով դատաքննութիւնը սկսած էր 9 Յուլիսին: