«Երկիր».- ՀՀ Մարդկային Իրաւունքներու Պաշտպան Արման Թաթոյեան դիմատետրի իր էջով յայտնած է, որ  ատրպէյճանական զինուորական ծառայողները 19 Յուլիս 2021-ին յանցաւոր արարքներով խախտած են ՀՀ Սիւնիքի մարզի Տեղ գիւղի բնակիչներուն իրաւունքները:

Բողոքներու եւ ահազանգերու հիման վրայ ՀՀ Մարդու Իրաւունքներու Պաշտպանի փաստահաւաքի աշխատանքները պարզած են հետեւեալը.

Նախ, պարզուած է, որ Սիւնիքի մարզի Տեղ գիւղի բնակիչներէն մէկը 19 Յուլիս 2021-ի` առաւօտեան Երեւանի ժամով ժամը 10-10:30-ի սահմաններուն գիւղատնտեսական աշխատանքներ  կատարած իրեն եւ իր ընտանիքին օրինական փաստաթուղթերու հիման վրայ սեփականութեան իրաւունքով պատկանող հողատարածքին մէջ: Ան, յատկապէս, իրականացուցած է հացահատիկի բերքահաւաք համախմբողը:

Տեղ գիւղի նշեալ բնակիչի հողատարածքը կը գտնուի ատրպէյճանական զինեալ ուժերու դիրքերու անմիջական հարեւանութեամբ: Հակառակ որ աշխատանքներու լիարժէքութեան համար համախմբողը ստիպուեր է  ցորենը հաւաքել նաեւ հողատարածքի եզրային հատուածներով:

Երբ համախմբողը եզրային բաժիններէն մէկուն մէջ աւարտած է աշխատանքները եւ այդ վայրէն գտնուած է մօտաւորապէս 150 մեթր հեռաւորութեան վրայ` դէպի ՀՀ տարածքի խորքը, նկատած է, որ իրեն կը մօտենան ատրպէյճանական շարք մը զինեալ ծառայողներ: Մօտենալով` ատրպէյճանական զինծառայողները զէնքով սպառնացած են Տեղ գիւղի բնակիչին, գոռգոռացած ու քաշքշած են, փորձած են անոր ու համախմբողը hարկադրաբար տեղափոխած են դէպի իրենց դիրքերը:

Փաստահաւաքի աշխանքները հաստատած են, որ ատրպէյճանական զինեալ ուժերու ծառայողները փաստացիօրէն ապօրինաբար բանտարկած են իր սեփականութեան իրաւունքով պատկանող հողատարածքին մէջ հացահատիկի բերքահաւաք իրականացնող ՀՀ Սիւնիքի մարզի տեղ գիւղի բնակիչը` համախմբողը, տեւական ժամանակով խոչընդոտած են գիւղատնտեսական աշխատանքներու իրականացումը:

Համախմբողը անմիջապէս ահազանգած է Տեղ համայնքի ղեկավարին: Որմէ ետք համայնքի ղեկավարին, ՀՀ զինեալ ուժերուն ու տեղւոյն ռուսական սահմանապահ զօրքերու հրամանատարական կազմերու ջանքերուն շնորհիւ 19 Յուլիսին վերադարձած են  հայկական կողմ:
Մարդու Իրաւունքներու Պաշտպանը նկարագրուած միջադէպին առնչութեամբ առարկայական ապացոյցները պիտի տրամադրէ համապատասխան միջազգային միջկառավարական մարմիններուն:

Մարդու Իրաւունքներու Պաշտպանի փաստահաւաքի աշխատանքները պարզած են նաեւ, որ նշեալ միջադէպէն բացի, ատրպէյճանական զինեալ ուժերը 19-20 Յուլիսի 2021-ին կրակոցներ  արձակած են Տեղ համայնքի Խնածախ եւ Արաւուս գիւղերու անմիջական հարեւանութեամբ` խաթարելով գիւղերու բնակիչներուն անդորրը եւ խաղաղ կեանքը:

Կրակոցները դադրած են   ՀՀ Զինեալ Ուժերուն քաղաքացիական բնակչութիւնը պաշտպանող կանխարգելիչ կրակոցներուն հետեւանքով:

ՀՀ մարդու իրաւունքներու պաշտպանը  արձանագրած է, որ ատրպէյճանական զինեալ ուժերու ծառայողներուն` ՀՀ քաղաքացիական բնակիչներու իրաւունքները կոպտօրէն խախտող յանցաւոր բնոյթի նշեալ արարքները պէտք է դիտել միասնական դիտաւորութեան մէջ:

Սոյն արարքները կը հաստատեն, որ ատրպէյճանական զինեալ ուժերը շարունակաբար կը հրահրեն ՀՀ սահմանային միւս բաժիններու մէջ` քաղաքացիական բնակավայրերու մերձակայքի սահմանային բնակչութեան խաղաղ կեանքը` ոտնահարելով անոնց իրաւունքները (կեանքի եւ առողջութեան, սեփականութեան եւ հոգեկան անձեռնմխելիութեան եւ այլ կենսական իրաւունքներ):