«Արմէնփրէս».- Սահմանադրական Դատարանը հրապարակած է 20 Յունիս  2021-ին Հայաստանի մէջ տեղի ունեցած արտահերթ խորհրդարանական ընտրութիւններու արդիւնքներու վիճարկումի որոշումին ամբողջական տարբերակը:

Որոշումը հրապարակուած է Սահմանադրական Դատարանի պաշտօնական կայքին մէջ:

Յիշենք, որ Սահմանադրական Դատարանը 17 Յուլիսին հրապարակեց որոշումին  վերջին բաժինը: ՍԴ-ի նախագահ Արման Թիլանեան յայտարարեց, որ Սահմանադրական Դատարանը որոշած է անփոփոխ պահել Հայաստանի մէջ 20 Յունիս  2021-ին տեղի ունեցած արտահերթ խորհրդարանական ընտրութիւններու արդիւնքներու առնչութեամբ Կեդրոնական Ընտրական Յանձնաժողովի որոշումը: Ընտրութիւններու արդիւնքներու վիճարկման հարցով ՍԴ  դիմած էին 4 քաղաքական ուժ` «Հայաստան» եւ «Պատիւ Ունեմ» դաշինքները, «Հայոց Հայրենիք» եւ «Զարթօնք» կուսակցութիւնները: ՍԴ-ը միացուցած էր բոլոր 4 դիմումները եւ քննած էր զանոնք մէկ գործով: