5 Դեկտեմբեր 2022

Գերշ. Տ. Մակար Եպս. Աշգարեան

Առաջնորդ Բերիոյ Հայոց Թեմի

Հալէպ, Սուրիա

Սրբազան Հայր,

Ուրախութեամբ իմացանք, թէ ընտրուած էք Բերիոյ Հայոց Թեմի առաջնորդ։ Կը շնորհաւորենք ձեզ եւ նաեւ Բերիոյ Թեմը Հալէպ, Լաթաքիա, Քեսապ եւ Ճեզիրէ։

Բերիոյ Թեմը ունի մեծ աւանդ։ Կերտած է պատմութիւն վաղ ժամանակներէն սկսած մինչեւ այսօր։ Ցեղասպանութենէն ետք այդ դարձաւ սփիւռքահայութեան կարեւոր կռուան, երբ հայորդիներ ապաստան գտան այստեղ։ Հալէպը եթէ մէկ կողմէ դարձաւ սուրիահայութեան համար հաստատուն կեդրոն, միւս կողմէ նոյնքան ալ սատարեց սփիւռքահայ համայնքներու կազմաւորումին եւ լիցքաւորեց զիրենք մարդուժով։

Կը հաւատանք սուրիահայ գաղութի կեանքին մէջ Բերիոյ Հայոց Թեմի հոգեւոր, եկեղեցական, եւ ազգային կարեւոր ներդրումին, նաեւ անոր համահայկական մաշտապով դրական դերակատարութեան։

Այստեղէն նաեւ պիտի տեսնել անհրաժեշտութիւնը գաղութի կեանքին վերաշխուժացման եւ վերակազմակերպումի աշխատանքներուն։ Այս իմաստով, ձեր ընտրութիւնը իր շատ կարեւոր ներդրումը պիտի ունենայ եկեղեցական, համայնքային եւ գաղութային կեանքի վերակազմակերպումի ջանքերուն մէջ։ Ձեր երկար տարիներու հոգեւոր, եկեղեցական եւ ազգային կեանքի փորձը մեծապէս պիտի նպաստէ այս առաքելութեան յաջողութեան։

Աստուծոյ առաջնորդութիւնը կը հայցենք ձեր այս նոր պատասխանատուութեան մէջ եւ կը մաղթենք ձեզի ուժ եւ կորով։

Արաբական Ծոցի Աստուածաշունչի Ընկերութեան անունով եւ անձնապէս խնդրեմ ընդունեցէք մեր ջերմ շնորհաւորութիւնները։

Յարգանքով՝

Դոկտ. Հրայր Ճէպէճեան

Ընդհանուր Քարտուղար

Արաբական Ծոցի Աստուածաշունչի Ընկերութիւն