Նախագահ Ահմետ Աշ-Շարաաի ներկայութեամբ այսօր փոխըմբռնումի յուշագիր ստորագրուեցաւ կենսուժի նախարարութեան եւ շարք մը միջազգային ընկերութիւններու միջեւ՝ Սուրիոյ մէջ կենսուժի ոլորտին վերաբերող ներդրումները խթանելու համար:
«Այսօր մենք ականատես ենք պատմական պահու, որ կը ներկայացնէ շրջադարձային կէտ և կը վերափոխէ Սուրիոյ կենսուժի և ելեկտրականութեան ոլորտը, ինչնէս նաեւ առանցքային քայլ է այս կենսական և կարևոր հատուածի խարխուլ ենթակառոյցներու վերականգնումին համար», ըսաւ կենսուժի նախարար, եդկրչփ. Մուհամմետ ալ-Պաշիրը՝ ելոյթ ունենալով ստորագրման արարողութեան ընթացքին։ «Նախագահ Ահմետ աշ-Շարաաի հովանավորութեամբ այսօր ստորագրեցինք համաձայնագիր և փոխըմբռնումի յուշագիր, որ իր չափով, տեսակով և արժէքով առաջինն է Սուրիոյ մէջ: Ներդրումներու արժէքը հասած է եօթ միլիար տոլարի կենսուժի ոլորտին մէջ առաջատար միջազգային ընկերութիւններու համախոհութեան հետ, որ կը գլխավորէ UrbaCon Holding-ը իր քաթարական UCC ընկերութեան, ամերիկեան Power ընկերութեան և թրքական Caliz Energy ընկերութիւններուն միջոցով», յայտնեց նախարարը՝ աւելցնելով, որ այս նախագիծը կը խթանէ տնտեսական աճը՝ աջակցելով տնտեսական և առևտրային հատուածներուն, գործարաններուն և կենսական նշանակութեան ենթակառոյցներուն, բարելաւելով սուրիացիներուն ամէնօրեայ կենցաղային պայմանները և բարձրացնելով ծառայութիւններու որակը՝ այդպիսով ապահովելով տեղահանուածներու անվտանգ և արժանապատիւ վերադարձը:
Իր կարգին, Սուրիոյ մէջ ԱՄՆ յատուկ բանագնաց Թովմաս Պարաք ըսաւ. «Ձեզի կը փոխանցեմ նախագահ Տանըլտ Թրամփի ողջոյնները և կը վերահաստատեմ անոր յանձնառութիւնը՝ աջակցելու նոր Սուրիոյ։ Նման առիթներ ու պահեր յաճախակիօրէն չեն ընծայուիր, մեր բոլոր քայլերը դէպի Սուրիա հաշուարկուած են, իսկ մեր բոլոր ջանքերը կը ծառայեն սուրիական նոր կառավարութեան շահերուն։ 13 Մայիսին նախագահ Թրամփ համարձակ որոշում գոյացուց, առանց որևէ նախապայմանի կամ պահանջի չեղարկելով Սուրիոյ նկատմամբ պատժամիջոցները: Ատիկա նպաստեց այսօրուան փոխըմբռնումի յուշագիրի ստորագրումին Սուրիոյ հետ»: