Բաղադրութիւն

500 կրամ կարագ

500 կրամ կրկնեփուկ (պիսքուիթ)

500 կրամ քրեմ պանիր

1 տուփ սեր

1 տուփ փոշի քրեմա

1 տուփ դոնդող (ժելո) դեղձի հիւթով պատրաստուած

5-6  դեղձ

Նախ կրկնեփուկները փշրել հարիչով, ապա շաղել կարագով, մինչեւ որ միատարր զանգուած մը ըլլայ ու տարածել կաղապարին յատակը լաւ մը սեղմելով, որպէսզի հարթ մակերես ունենայ։ Դնել սառնարան՝ 20-30 վայրկեան։

Միջուկի պատրաստութեան համար նախ փոշի քրեման հարել մէկ գաւաթ կաթով, աւելցնել սերը եւ քրէմ պանիրը եւ շարունակ հարել, ապա աւելցնել մէկ գաւաթ տաք ջուրով պատրաստուած ու պաղած դեղձի հիւթով դոնդողը եւ շարունակել հարել մինչեւ որ բաց դեղին զանգուած մը յառաջանայ։ Պատրաստուած լուծոյթը աւելցնել կաղապարին մէջ զետեղուած կրկնեփուկին վրայ ու դնել սառնարանը առնուազն 4 ժամ։ Ապա դեղձերը կտրտել բարակ շերտերով եւ շարել չիզքէյքին վրայ։ Կարելի է վրան ալ աւելցնել դեղձի հիւթով դոնդող՝ ամրացնելու դեղձերը եւ յաւելեալ համ ու փայլք տալու։ Ապա կրկին սառնարանը դնել երկու ժամ, ետքը հիւրասիրել։

Բարի ախորժակ։