ՄԱՆԿԱՎԱՐԺԱԿԱՆ

Աշուն-ձմեռ 2025-2026 թուականներու նորաձեւութիւնը համարձակօրէն կ’ոչնչացնէ փոքր զարդերու նախկին կանոնները: Ոճաբաններ համադրում կը կատարեն խոշոր եւ շքեղ զարդերու՝ զանոնք բերելով կերպարի կեդրոնը: Vogue France-ը կ’ընդգծէ հիմնական միտումները, որոնք արդէն նկատելի են նորաձեւութեան կեդրոններուն մէջ։

Ականջի խոշոր օղեր

Այս աշնան վերադարձած են մեծ, յատուկ ձեւերով եւ նկատելի ականջի օղերը: Անոնք

կը շեշտադրեն կերպարը եւ կ’ընդգծեն դէմքը։

Թեւնոցներ

Մետաղեայ թեւնոցները արդիական են: Զանոնք կարելի է կրել՝ որպէս առանձին շեշտադրում կամ բազմաշերտ համադրու-թիւններով, նոյնիսկ ամենապարզ հագուստը ընդգծելու համար։

Հնաոճ, կոշտ վզնոցներ

Հնաոճ, կամ ժամանակակից մեծ վզնոցները վերադարձած են նորաձեւութեան դաշտ։ Անոնք ներդաշնակօրէն կ’ամբողջացնեն աշնանային ուրուագիծերը՝ կերպարը դարձնելով ամբողջական եւ նորաձեւ։

Շերտաւոր ապարանջաններ

Անհատականութեան սիրահարները պէտք է ուշադրութիւն դարձնեն ոսկեայ ապարանջաններու բազմաշերտ համադրութեան։ Այս միտումը կ’ենթադրէ հին եւ նոր զարդերու համադրութիւն, ինչպես նաեւ ձեւաւորման համարձակ լուծումներ։

2025-ի աշունը կը խոստանայ ըլլալ փայլուն. Մեծ չափով ոսկեգոյն զարդերը շքեղութիւն եւ արտայայտչականութիւն կը հաղորդեն առօրեայ եւ երեկոյեան զգեստապահարաններուն՝ աքսեսուարները դարձնելով իւրաքանչիւր կերպարի գլխաւոր շեշտադրում։