«Երկիր».-ԱՄՆ Օհայօ նահանգի Օքսֆօրտ քաղաքի ղեկավար Մայք Սմիթ եւ քաղաքային խորհուրդի անդամ Կլէն Էլլերպ ճանչցած են Արցախը:
Ամերիկայի Հայ Դատի գրասենեակի կայքը տեղեկացուցած է, որ Արցախի ճանաչման բանաձեւը ընդունուած է 2 Փետրուար 2021-ին` Մայամիի համալսարանի (Օքսֆօրտ, Օհայօ) ամերիկահայ ուսանողներ Էնտրիւ Տեւետճեանին եւ Թերեզա Անիեւին ջանքերով:
Օհայօ նահանգին մէջ բնակող 14 000 հոգինոց հայ համայնքը մշտապէս զգացած է պետական աջակցութիւնը: Անցեալ շաբաթ ծերակուտականներ Շերոտ Պրաունը եւ Ռոպ Փորթման միացած են ծերակուտական Պոպ Մենենտեսի` նախագահ Պայտընին ուղղուած նամակին, որով ԱՄՆ վարչակազմին կոչ ուղղուած է ճանչնալու Հայոց Ցեղասպանութիւնը: