«Էրմէնիհապեր».-Թրքական «ATV»-ի «Akıncı» հաղորդաշարի վերջին մասին մէջ ցուցադրուած է տարածաշրջանի քարտէզը, ուր Արցախի Հանրապետութեան եւ Ատրպէյճանի Հանրապետութեան տարածքներուն վրայ գրուած է Armenia (Հայաստան):
Միջադէպը մեծ աղմուկ բարձրացուցած է Թուրքիոյ եւ Ատրպէյճանի մէջ, լրատուամիջոցները շտապօրէն արձագանգած են այդ ահազանգին` որակելով արհեստագիտական լուրջ սխալ:
Հակառակ ընկերային ցանցերու վրայ հաղորդաշարի աշխատակազմի հասցէին ըսուած սուր քննադատութիւններուն` «ATV» հեռուստաընկերութիւնն ու հաղորդաշարի ղեկավարութիւնը որեւէ պարզաբանում չէ կատարած: