ՀՅԴ Բիւրոյի յայտարարութիւնը Մուրատ Փափազեանին Հայաստան մուտք գործելը արգիլուելու առիթով.
“Հայաստանի ապազգային իշխանութիւնների սահմաններ չճանաչող անհանդուրժողականութիւնը նորանոր դրսեւորումներ է ստանում։ Այս գիշեր առանց բացատրութեան ու հիմնաւորման արգելուել է ՀՅԴ Բիւրոյի անդամ, Ֆրանսայի հայկական կազմակերպութիւնների համակարգող խորհրդի (CCAF) համանախագահ՝ Մուրատ Փափազեանի մուտքը Հայաստան։
Հայաստանի, Արցախի եւ Հայ Դատի համար տասնամեակներ պայքարած ազգային գործչի նկատմամբ նման վերաբերմունքը ոչ այլ ինչ է, եթէ ոչ քինախնդիր, փոքրոգի քայլ եւ թշնամուն հաճոյանալու պարզունակ դրսեւորում։
Համոզուած ենք, որ Ֆրանսայի Հանրապետութեան Ազգային տօնի՝ Փաստիլի գրաւման օրը Ֆրանսիայում ճանաչուած եւ յարգուած հայազգի քաղաքացու նկատմամբ ազատ տեղաշարժուելու իրաւունքի կոպիտ ոտնահարումը պատշաճ գնահատական կը ստանայ նաեւ ֆրանսական իշխանութիւնների կողմից։
Ցաւալիօրէն յատկանշական է, որ Թուրքիայում եւ Ատրպէյճանում անցանկալի անձ յայտարարուած Մուրատ Փափազեան հիմա արդէն անցանկալի անձ է փաշինեանական իշխանութիւնների համար։ Ազգային գործիչներին թիրախաւորելու եւ սփիւռքահայերին Հայաստանից օտարելու փաշինեանական ծանօթ ձեռագիրն է….”