ԵԱՀԿ գործող նախագահ, Հիւսիսային Մակեդոնիոյ արտաքին գործոց նախարար Պույար Օսմանի Հայաստանի եւ Ատրպէյճանի միատեղ յայտարարութիւնը համարած է դրական քայլ՝ կայուն խաղաղութեան ճանապարհին: «Արմէնփրէս»-ի փոխանցումին համաձայն, Պույար Օսմանի նման դիրքորոշում յայտնած է X-ի իր միքրոպլոկի գրառումով:
«Հայաստանի եւ Ատրպէյճանի միատեղ յայտարարութիւնը այն դրական քայլն է, որ անհրաժեշտ է կայուն խաղաղութեան ճանապարհին։ ԵԱՀԿ-ը պատրաստ է օգնել՝ որպէս շարունակական երկխօսութեան հարթակ եւ որպէս պայմանագրերու իրականացման գործընկեր», ըսած է ԵԱՀԿ գործող նախագահը:
