«Փաստ» ՀՅԴ աղբիւր մը վկայակոչելով կը հաղորդէ, որ Հայ Յեղափոխական Դաշնակցութիւնը աշխոյժ քաղաքական խորհրդակցութիւններէն յետոյ, պիտի նախաձեռնէ հանրային լայն քննարկումներու, որոնք տեղի պիտի ունենան մարզերուն մէջ:
Նախատեսուած է նաեւ քաղաքական լուրջ խորհրդաժողովներ կազմակերպել Ծաղկաձորի, Ջերմուկի եւ Դիլիջանի մէջ, որոնց պիտի հրաւիրուին փորձագիտական ոլորտի ներկայացուցիչներ ու նեղ ոլորտային մասնագէտներ (քաղաքագէտներ, իրաւաբաններ, տնտեսագէտներ, ընկերաբաններ, մամուլի փորձագէտներ, Տեղակատուական Ճարտարագիտական ոլորտի ներկայացուցիչներ եւ այլն), որպէսզի վերլուծեն եւ գնահատականներ տան ՀՀ-ի մէջ ընթացող զարգացումներու մասին:
Տեղեկութիւններուն համաձայն, այսպիսի գործուն քննարկումներէն ետք կուսակցութիւնը հանդէս պիտի գայ բովանդակային յայտարարութեամբ: