Իր կարգին, նախագահ Ասատ յայտնեց, որ կտրականապէս դէմ է սուրիական հողերու բռնագրաւման որեւէ փորձի, ինչ անուան տակ ալ ըլլայ ան, ապա անդրադառնալով անջատողական նկրտումներ ունեցողներուն, աւելցուց որ անոնք ներկայ լարուած իրավիճակին ողջ պատասխանատուութիւնը կը կրեն:

Նախագահ Ասատ կարեւոր համարեց տարհանուած բնակչութեան տունդարձը, առաջքը առնելու շրջանի ժողովրդագրական պատկերի փոփոխութեան փորձերուն: Եզրափակելով Սուրիոյ նախագահը շեշտեց, որ Սուրիա պիտի շարունակէ ահաբեկչութեան եւ ծաւալապաշտութեան դէմ իր պայքարը կարելի բոլոր միջոցներով, Սուրիոյ բոլոր շրջաններուն մէջ:

Յիշենք որ Սոչիի մէջ, Երեքշաթբի, 22 Հոկտեմբերին, Ռուսիոյ նախագահը Թուրքիոյ նախագահին հետ Սուրիոյ հիւսիսային շրջանի իրավիճակին եւ երկու երկիրներու յարաբերութիւններուն շուրջ գումարեց խորհրդակցական նիստ մը, որ տեւեց ութը ժամ: Նիստէն ետք նախագահները մամլոյ ասուլիս մը ունեցան: