ՀՅԴ Հայաստանի Գերագոյն Մարմինը հետեւեալ ցաւակցագիրը յղած է․
«Սիրելի հայրենակիցներ,․
Արցախի Հանրապետութեան հիւսիսային ուղղութեամբ ընթացած ծանր մարտերում, ՊԲ ստորաբաժանումների եւ բանակի հրամանատարութեան ներքոյ գործող ,կամաւորական շարժումէ ՀԿ վաշտերի համատեղ գործողութիւններով, կասեցուել է թշնամու առաջխաղացումը հիւսիսային հատուածում եւ կայունացուել ռազմաճակատի գիծը:
Հետագայում հակայարձակման արդիւնքում վերադարձուել է «Վարանգաթաղ» (Լուլասազ) ռազմավարական կարեւորագոյն նշանակութեան բարձունքը:
Աննկարագրելի այս սխրանքը յաւէրժ կը մնայ որպէս հերոսական մի էջ, սերունդների համար` նահատակութեան, նուիրաբերումի մի վառ օրինակ Հայ ժողովրդի փառքի պատմութեան մէջ:
ՀՅԴ Հայաստանի Գերագոյն մարմինն իր խորին ցաւակցութիւնն է յայտնում մեր սուրբ Հայրենիքին իրենց կեանքի գնով պաշտպանած եւ քաջաբար զոհուած, կամաւորական շարժումի ՀԿ վաշտերի մարտիկների ընտանիքներին եւ հարազատներին:
Յաւերժ փառք անմահացած մեր բոլոր հերոսներին:

ՀՅԴ Հայաստանի Գերագոյն Մարմին
11.10.2020թ.»