ՀՅԴ Հայաստանի Գերագոյն Մարմնի ներկայացուցիչ Իշխան Սաղաթէլեան դիմատետրի իր էջով ներկայացուցած է ՀՅԴ տնտեսագիտական խումբի ընթացիկ վերլուծութիւնները:

Ըստ վերլուծութիւններուն`

2017-2020թթ. պետական պարտքը աճած է 27 տոկոսով, իսկ ՀՆԱ-ն աճած է 11 տոկոսով:

Պետական պարտքը 31․12․2017-ին համեմատած 01․03․2021-ին աճած է 40,4 տոկոսով: Պետական պարտք/ՀՆԱ յարաբերակցութիւնը 2017-ին եղած է 58,9 տոկոս, որ 2020-ին համեմատած  աճած է 8,4 տոկոսային կէտով եւ դարձած է 67,3 տոկոս:

2019-ին օտարերկրեայ ուղղակի ներդրումներու զուտ ներհոսքը 2018-ին համեմատած կրճատուեցաւ 30 միլիար դրամով: 2020-ին գրանցուեցաւ օտարերկրեայ ուղղակի ներդրումներու  բացասական զուտ ներհոսք` 7,1 միլիար դրամի չափով:

2020-ի ընթացքին իրենց գործը կորսնցուցած են 12,8 հազար մարդ:

Գնաճը կ’աւելնայ, միջին անուանական եկամուտները գրեթէ չեն աճիր, իսկ իրական եկամուտները էապէս կը կրճատուին` յանգեցնելով աղքատութեան եւ ծայրայեղ աղքատութեան աւելացումին:

2011-2018 թուականներուն աղքատութեան մակարդակը կայուն նուազած է` 2010-ին 35,8 տոկոսէն դառնալով 23,5 տոկոս (նուազումը` 12,3 տոկոսային կէտ): Իսկ 2018-2020 թուկաններուն աղքատութեան մակարդակը կայունօրէն աճած է 10 տոկոսային կէտով: