“Սիրելի հայրենակիցներ, Արցախի եւ Հայաստանի Հանրապետութիւններու քաղաքացիներ, Սփիւռքի եղբայրներ եւ քոյրեր Այսօր՝ 28 Մայիսին, որտեղ էլ որ գտնուելիս լինենք, մեր Եռագոյնն ենք բարձրացնում եւ ամէնից առաջ գլուխ խոնարհում՝ յարգելով 1918 թուականին Սարդարապատում, Բաշ-Ապարանում եւ Ղարաքիլիսայի մատոյցներում մեր ժողովրդի գոյութեան իրաւունքի համար թուրքական ցեղասպան հորդաների դէմ կենաց-մահու կռուի ելած եւ անուրանալի յաղթանակներ կերտած մեր փառահեղ նախնիների ու հերոսների լուսաւոր յիշատակը: Ուղիղ 103 տարի առաջ, շուրջ 10 օր տեւած յամառ մարտերում, զինուորագրուած հայութիւնը ջարդեց ու պարտութեան մատնեց թուրքական բանակներին: Յաղթեցինք անհաւասար կռիվմւներում ու յաղթանակով հաւաստեցինք մեր ոչ միայն գոյութեան, այլեւ՝ պետականութեան իրաւունքը: Այսօր 1918-ի յաղթանակները կերտողների օրինակով, մենք պէտք է վճռական լինենք՝ յանուն մեր ժողովրդի, յանուն Հայաստանի, յանուն Արցախի հետագայ գոյութեան իրաւունքի եւ վերընձիւղման: Թշնամու գործակատարները կտապալուե՛ն: Իսկ մենք կշարունակենք մեր ստեղծագործ ընթացքը, այն պսակելով նոր յաղթանակներով ու նոր վերելքով: Շնորհաւոր 28 Մայիս, շնորհաւոր Հայաստանի Հանրապետութեան տօնը:

«Հայաստան» դաշինք 28 Մայիս 2021