«Արմէնփրէս»._ Հայաստանի վարչապետ Նիկոլ Փաշինեան 26 Հոկտեմբերին Վրաստանի մէջ ոչ-պաշտօնական հանդիպում ունեցած է Ատրպէյճանի վարչապետ Ալի Ասատովի հետ։
Հայաստանի վարչապետ Նիկոլ Փաշինեանն ու Ատրպէյճանի վարչապետ Ալի Ասատովը 26 Հոկտեմբերին Թիֆլիսի մէջ մասնակցած են Մետաքսի ճանապարհի վեհաժողովին։
«Պաշտօնական ճաշէն ետք, ոչ-պաշտօնական շփում տեղի ունեցած է Վրաստանի, Հայաստանի եւ Ատրպէյճանի վարչապետներուն միջեւ», փոխանցած են վարչապետի աշխատակազմէն: