Սիրելի հայրենակիցներ,

Այսօր 1 Մայիս է, Աշխատանքի եւ աշխատաւորների իրաւունքների պաշտպանութեան օրը: Մեզանում բոլոր ժամանակներում յատուկ ակնածանք է դրսեւորուել աշխատանքի եւ աշխատաւորի նկատմամբ: Հայ ժողովուրդը հաւաքական արարումով եւ քրտնաջան աշխատանքով է կերտել իր ինքնութիւնը, ամրապնդել պետականութիւնը:

Համավարակի, նաեւ սոցիալ-տնտեսական եւ հոգեբարոյական աննախադէպ մարտահրաւէրների պատճառով ծանր ժամանակներ է ապրում մեր ողջ հասարակութիւնը: Միանշանակ է, որ ճգնաժամի յաղթահարման գրաւականը աշխատաւորների իրաւունքների պաշտպանութիւնն է, սոցիալական արդարութիւնն ու համերաշխութիւնը, հանրային արդիւնքի արդար բաշխումն ու աշխատանքային յարաբերութիւնների իրաւական կարգաւորումը:
1 Մայիսը արդարութեան պայքարի խորհրդանիշ է: Աներկբա է՝ օրեցօր խորացող մարտահրաւէրները յաղթահարելու, հասարակութեան բոլոր շերտերի բարեկեցիկ եւ արժանապատիւ կեանքի համար համարժէք պետական քաղաքականութիւն է անհրաժեշտ:

Սիրելի’ հայրենակիցներ, շնորհաւորում ենք Աշխատանքի օրուա առթիւ եւ մեր հաստատակամութիւնը յայտնում՝ կանգնելու աշխատաւորի կողքին, պաշտպանելու նրա իրաւունքները յանուն համազգային բարօրութեան եւ մեր երկրի անխաթար եւ խաղաղ զարգացման:

ՀՅԴ Հայաստանի Գերագոյն մարմին
01.05.2020