«Էրմէնիհապեր».-Հրանտ Տինքի այրիին` Ռաքէլ Տինքին սպանութեամբ սպառնացող հ․ Ա․ անունով Թուրքիոյ քաղաքացիին դէմ հետաքննութիւն սկսած է, զայն ձերբակալած են:
Յիշեցնենք, որ Իսթանպուլի մէջ գործող Հրանդ Տինք հիմնադրամը նախօրէին յայտարարութիւն տարածած էր, որուն համաձայ, անյայտ անձը կամ անձեր 27-28 Մայիսին հիմնադրամի ելեկտրոնային հասցէին սպառնալից նամակ ուղարկած են, որուն մէջ տեղ գտած են պնդումներ, թէ Հրանդ Տինք հիմնադրամը «Եղբայրութեան հեքիաթներ» կը պատմէ: Նամակի հեղինակները սպառնացած են սպանել Հրանդ Տինքի այրին` Ռաքէլ Տինքը եւ հիմնադրամի իրաւաբանը:
Ձերբակալուած անձը Քոնիայի հիւանդանոցներէն մէկուն մէջ ստուգուելէ ետք տեղափոխուած է Քոնիայի ոստիկանութեան նահանգային վարչութիւն, այնուհետեւ` Իսթանպուլ: Կասկածեալը մեղադրուած է «Դիտաւորեալ վնաս հասցնելու, սպառնալու եւ վիրաւորանք ուղղելու յանցանքով»:
Քաղաքացին իր խոստովանական ցուցմունքին մէջ յայտնած է, որ նամակ ղրկելու պատճառը համացանցի միջոցով ծանօթացած ազգութեամբ ատրպէյճանցի իր ընկերուհիին` Ղարաբաղի հայերու մասին պատմածներէն ազդուած ըլլալն է:
Ան խոստովանած է, որ բացի ուղարկած նամակէն, հեռաձայնած է նաեւ հայկական եկեղեցիներէն մէկուն, սակայն պատասխանող չէ եղած: