ԼՂՀ Նախագահի Խորհրդական. «Միջազգային Հանրութիւնը Պէտք է Տեղեկացուած Ըլլայ Ատրպէյճանի Յանցագործութիւններուն Մասին»

0

«Արցախփրէս»ի համաձայն, ԼՂՀ նախագահի խորհրդական Էմիլ Բաբայեան  լրագրողներու հետ զրոյցի ընթացքին յայտարարած է, ԹԷ միջազգային հանրութիւնը պէտք է տեղեկացուած ըլլայ Ատրպէյճանի Ապրիլ 2016-ի  յանցագործութիւններուն մասին:

Անոր խօսքով` առայժմ միջազգային օրէնսդրութեան խնդիրներուն պատճառով ղարաբաղեան կողմը չէ կրցած իր տրամադրութեան տակ գտնուող ապացոյցները ուղղակի ներկայացնել Մարդու Իրաւունքներու Եւրոպական Դատարան (ՄԻԵԴ) եւ միջազգային այլ ատեաններ:

«Սակայն վստահ եմ, որ ճշմարտութիւնը իմանալը կը բխի ՄԻԵԴ-ի եւ միջազգային հանրութեան շահերէն», ընդգծած է Բաբայեան` աւելցնելով, որ մարդու իրաւունքներու խախտման իւրաքանչիւր դէպքի մասին բոլոր նիւթերն ու փաստաթուղթերը կը պահպանուին ԼՂՀ-ի մէջ:

ԼՂՀ նախագահի խորհրդականը նշած է, որ ղարաբաղեան կողմը փաստերը ներկայացնելու ուղիներ կ՛որոնէ:

 

Share.

About Author

Leave A Reply