Թուրքիոյ Մէջ Դարձեալ Նախարարութիւններու Աշխատակիցներ Ձերբակալուած Են

0

Թրքական «Հիւրիյէթ» օրաթերթը կը հաղորդէ, որ Անգարայի հանրապետական դատախազութիւնը կիւլէնականներու դէմ ընթացող հետաքննութեան ծիրին մէջ նախարարութիւններու աշխատակիցներ ձերբակալելու մասին որոշումներ որդեգրած է:

Մասնաւորաբար որոշուած է ձերբակալել ուժանիւթի եւ բնական պաշարներու նախարարութեան ու անոր առնչուած կառոյցներու 60 աշխատակից, ինչպէս նաեւ ազգային կրթութեան նախարարութեան մէջ աշխատող 25 մանկավարժ: Յայտնի դարձած է, որ անոնք «ՊայԼոք» ծրագիրի օգտատէր են:

Թուրքիոյ գաղտնի սպասարկութիւնը` ՄԻԹ-ը,  նախապէս վերծանած էր «ՊայԼոք» յաւելուածը, ենթադրաբար, որուն միջոցով կը հաղորդակցին կիւլէնական շարժումի անդամները: Ըստ ՄԻԹ-ի տուեալներուն, ծրագիրին միջոցով հաստատուած է Կիւլէնի 53 հազար կողմնակիցի ինքնութիւնը:

Ներկայիս ձերբակալուած են կասկածեալներէն 40-ը:

Share.

About Author

Leave A Reply