Երկուշաբթի, 2 Սեպտեմբեր 2019-ին, Սուրիոյ Արտաքին Գործոց Նախարարութիւնը հանդէս եկաւ հաղորդագրութեամբ յայտնելով որ. «Սուրիա գոհունակութիւն կը յայտնէ Լիբանանի ազգային դիմադրութեան իսրայէլեան զինուորական խմբակի մը դէմ իրագործած մասնակի գործողութեան համար: Դիմադրութեան գործողութիւնը պատշաճ պատասխան մըն էր Լիբանանի եւ ազգային դիմադրութեան գերիշխանութեանց դէմ իսրայէլեան շարունակական յարձակումներուն»:
Հաղորդագրութեան մէջ յիշուեցաւ նաեւ, որ «Սուրիա կը վերահաստատէ իր զօրակցութիւնը Լիբանանի ազգային դիմադրութեան եւ լիբանանեան բանակին, որոնք կողք-կողքի կանգնելով Լիբանանի գերիշխանութիւնը կը պահպանեն եւ իրենց կարելին ի գործ կը դնեն Լիբանանի հողերը ազատագրելու եւ դէմ դնելու տարածաշրջանի լարուածութիւնը սրող իսրայէլեան յարձակումներուն»: