«Արմէնփրէս».- Ուքրանիոյ Ժիտոմիրի մարզի «Էրեբունի» հայ համայնքը նիւթական օժանդակութիւն տրամադրած է COVID-19-ն ախտորոշելու նպատակով վիրուսաբանութեան տարրալուծարանի վերակառուցման, որ կը գործէ Ժիտոմիրի Գերբաչեւսկու անուան քլինիքական հիւանդանոցի կազմէն ներս:
Բացի այդ, հայերու տարածաշրջանային համայնքը հազարաւոր դիմակներ նուիրած է մարզային ուռուցքաբանութեան քլինիքային եւ թիւ 2 քաղաքային հիւանդանոցին: Հաստատութիւններու բժիշկները շնորհակալութիւն յայտնած են նման օգնութեան ցուցաբերման համար եւ յայտնած, որ այսօր անհատական պաշտպանութեան միջոցները խիստ անհրաժեշտ են:
Աւելի ուշ Ժիտոմիրի «Էրեբունի» հայ համայնքը օգնութիւն ցուցաբերած էր նաեւ Ժիտոմիրի շրջանի այլ քաղաքներուն: