ՀՅԴ Արցախի Երիտասարդական Միութիւնը հետեւեալ հաղորդագրութիւնը հրապարակած է.
«Սիրելի հայրենակիցներ,
Նկատի առնելով նոր պսակաձեւ ժահրի տարածման վտանգը ՀՅ Դաշնակցութեան Արցախի երիտասարդական միութեան Կեդրոնական Վարչութիւնը որոշած է այս տարի Հայոց Ցեղասպանութեան զոհերու յիշատակին նուիրուած ամենամեայ աւանդական ջահերով երթը չեղեալ համարել:
Կոչ կ՚ուղղենք 23 Ապրիլին ժամը 21:00-ին անջատել տան լոյսերը եւ մոմեր վառել պատուհաններուն առջեւ` մեր խոնարհումը բերելով անմեղ զոհերու յիշատակին ու յիշեցնելով մեր արդար իրաւունքներու վերականգնումը:
23 Ապրիլի երեկոյեան Ստեփանակերտի մէջ Հայոց Ցեղասպանութեան Զոհերու յուշակոթողին մօտ պիտի կազմակերպուի մոմավառութիւն` փոքրաթիւ մարդոց մասնակցութեամբ:
Բոլորին կը մաղթենք առողջութիւն»: