Արցախի Հանրապետութեան նորընտիր նախագահ Արայիկ Յարութիւնեան գրառում կատարած էիր դիմատետրի էջին վրայ` շնորհակալութիւն յայտնելով իրեն ուղղուած շնորհաւորանքներուն համար:
«Սիրելի՛ հայրենակիցներ
Արցախի Հանրապետութեան նախագահի ընտրութիւններում ժողովրդի վստահութեան բարձր քուէին արժանանալու առթիւ ստացել եմ բազմաթիւ շնորհաւորական ուղերձներ, նամակներ, հեռախօսազանգեր: Խոստովանեմ, որ իւրաքանչիւրիդ բարեմաղթանքները իւրովի ջերմութիւն են փոխանցել ինձ, որոնք նաեւ պարտաւորեցնող են: Ուզում եմ հաւաստիացնել, որ կը լինեմ իւրաքանչիւր արցախցու նախագահը եւ կ’անեմ առաւելագոյնը բոլոր ընտրողների ու ողջ հայութեան յոյսերն արդարացնելու համար: Անկասկած, դրան ի զօրու ենք լինելու հասնել հաւաքական ջանքերով ու պատասխանատուութեամբ` իւրաքանչիւրն իր կարողութիւնների չափով: Այնպէս որ ձեզնից իւրաքանչիւրից, որպէս հաւաքական ներուժի անբաժանելի մասնիկներից, ես ինքս էլ ակնկալիքներ ունեմ` պատմութեան երթում արձանագրելու այնպիսի հաւաքական յաջողութիւններ, որոնց մասին չենք էլ երազել:
Միաժամանակ հայցում եմ բոլոր այն մարդկանց ներողամտութիւնը, որոնց նամակներին կամ հեռախօսազանգերին ժամանակի սղութեան պատճառով ի վիճակի չեղայ պատասխանելու: Երախտագիտութեան ու պարտաւորուածութեան խօսքս ուղղում եմ ամէն մէկիդ: Առո՛ղջ եղեք»,ըսուած է ուղերձին մէջ: