ՍԱՆԱ հաղորդեց, որ ութը տարուան ընդմիջումէն ետք, այսօր՝ 5 Յունիս 2020-ին, Երեւանի ՛՛Զուարթնոց՛՛ օդակայան վայրէջք կատարեց Սուրիական Օդանաւային Պետական Ընկերութեան առաջին ճամբորդատար օդանաւը, որ 150 ճամբորդ կը փոխադրէր եւ թռիչք առած էր Դամակոսի Միջազգային Օդակայանէն։
Սուրիոյ Փոխադրամիջոցներու Նախարարութիւնը յայտնեց, որ օդակայաններու վերաբանեցումով, այս թռիչքին պիտի յաջորդէ օդային երթեւեկութեան ամբողջական ծրագիր մը, իսկ Հալէպի Միջազգային Օդակայանը կարեւոր կայան մը պիտի դառնայ երկու բարեկամ երկիրներու միջեւ օդային ճամբորդութիւններու կարգաւորման առումով։
Յիշենք, որ նախորդ ութը տարիներուն, Երեւան-Դամասկոս թռիչքները տեղի կ՛ունենային միայն Սուրիոյ մասնաւոր հատուածի ՛՛Աճնիհաթ ալ Շաամ՛՛ օդանաւային ընկերութեան կազմակերպած թռիչքներով։