«Արմէնփրէս».- ՄԱԿ-ի գլխաւոր քարտուղարի պաշտօնական ներկայացուցիչ Սթեֆան Տիւժարիկը հայ-ատրպէյճանական սահմանին բախումներու մասին մեկնաբանութեամբ հանդէս եկած է ` ներկայացնելով գլխաւոր քարտուղարի մտահոգութիւնը:
ՄԱԿ-ի գլխաւոր քարտուղարի պաշտօնական ներկայացուցիչի մեկնաբանութիւնը․
«Գլխաւոր քարտուղարը անհանգստութիւն յայտնած է հայ-ատրպէյճանական սահմանին ծանր զինատեսակներու օգտագործումով փոխհրաձգութեան մասին հաղորդագրութիւններով, որոնք, ինչպէս հաղորդուած է, յանգած են մարդկային կորուստներու: Գլխաւոր քարտուղարը կոչ ուղղած է անյապաղ դադրեցնել մարտական գործողութիւնները, բոլոր ներգրաւուած կողմերուն լարուածութիւնը թուլացնելու քայլեր ձեռնարկել եւ սադրիչ հռետորաբանութենէն զերծ մնալու կոչ ուղղած է:
Գլխաւոր քարտուղարը ի գիտութիւն ընդունած է ԵԱՀԿ Մինսքի խմբակի համանախագահներու յայտարարութիւնը եւ կրկին իր ամբողջական աջակցութիւնը յայտնած է այս վտանգաւոր իրավիճակը կարգաւորելու եւ Լեռնային Ղարաբաղի հակամարտութեան կարգաւորման խաղաղ, բանակցային ճամապարհով լուծումներ փնտռելու անոնց ջանքերը»: