Հակառակորդը արդէն քանի մը օր է կը ռմբակոծէ տարբեր բնակավայրեր, այդ կարգին Ստեփանակերտը՝ «Սմերչ»ով, «Պոլոնեզ»ով, տաբեր հրթիռային համակարգարերով. Ստեփանակերտի օդը կը շարունակեն պտտիլ անօդաչու սարքեր: Այս մասին դիմատետրի ուղիղ սփռումով ըսաւ Արցախի նախագահ Արայիկ Յարութիւնեան՝ աւելցնելով, որ ի պատասխան այդ ամէնուն, առաջին անգամ իր հրամանով Արցախի զինուած ուժերու համապատասխան ստորաբաժանումները հրթիռային համազարկ կատարած են:
«Ըսած էի ժամանակին, զգուշացուցած էի ժամանակին: Կ՚ափսոսամ, որ մեր պատմական Գանձակ քաղաքի, Գեանճայի զինուորական տեղակայման մշտական վայրերը խփեցինք, որովհետև անոնք մեզ պարտադրեցին: Ուշքի եկէ՛ք, որովհետև պիտի շարունակենք այլ քաղաքաներու, և եթէ անհրաժեշտութիւն կայ աւելի մեծ քաղաքներու ուղղութեամբ: Այս կրակը եղաւ նախազգուշացման կրակ», ըսաւ Արայիկ Յարութիւնեան:
Ան տեղեկացուց, որ հրամայած է որոշ ժամանակ դադրեցնել կրակը քաղաքներուն ուղղութեամբ:
«Հեռու պահեցէ՛ք խաղաղ բնակչութիւնը: Դուք սկսաք այս պատերազմը, դուք խախտեցիք մարդկային կանոնները՝ թիրախաւորելով խաղաղ բնակչութիւնը: Ժամանակ ունիք, մտածեցէ՛ք: Մենք շարունակելու ենք մինչև վերջ, մինչև վերջին զինուորը պատրաստ է զոհուելու», ըսաւ Արայիկ Յարութիւնեան: