«Արմէնփրէս».- 26 Յուլիսին,Երեւանի ժամով ժամը 03:30-ի սահմաններուն, ատրպէյճանական Զինեալ Ուժերու ստորաբաժանումները, տարբեր տրամաչափի հրաձգային զինատեսակներով կրակ բացած են հայ–ատրպէյճանական սահմանի Գեղարքունիքի հատուածին մէջ հաստատուած հայկական դիրքերու ուղղութեամբ:
Հայ դիրքապահներու պատասխան գործողութիւններուն հետեւանքով կրակը դադրեցուած է։ Հայկական կողմէն տուժածներ չկան:
26 Յուլիսին, ժամը 11:30-էն սկսեալ, հակառակորդը հրադադարը խախտած է նաեւ հայ–ատրպէյճանական սահմանի Արարատի մարզի, յատկապէս` Երասխի ուղղութեամբ, տարբեր տրամաչափի հրաձգային զինատեսակներով կրակ բանալով հայկական դիրքերու ուղղութեամբ: Հայկական կողմը դիմած է հակազդող գործողութիւններու: