“Երկիր Մետիա”._ 10 Մարտ 2022-ին, 76 տարեկանին երկարատեւ ծանր հիւանդութեան պատճառով իր մահկանացուն կնքեց ՀՀ մշակոյթի վաստակաւոր գործիչ, գրող, արձակագիր, հրապարակախօս, ՀՀ մշակոյթի վաստակաւոր գործիչ, ՀՀ Պատուոյ շքանշանակիր, հասարակական-քաղաքական գործիչ, ՀՅ Դաշնակցութեան անդամ Ալվարդ Պետրոսեանը։ Ալվարդ Պետրոսեան այն բացառիկ մտաւորականներէն էր, որ առնչութիւն ունեցած էր նորանկախ Հայաստանի բոլոր ղեկավարներուն հետ։
Ալվարդ Պարտուղի Պետրոսեան ծնած է 4 Հոկտեմբեր1946-ին Երեւան։
1978-ին ԽՍՀՄ գրողներու միութեան անդամ եղած է։
Իր կրթութիւնը ստացած է Շիրվանզադէի դպրոցին մէջ, 1968-ին աւարտած է Երեւանի Պետական Համալսարանի բանասիրական հիմնարկը։
1969-1975-ին աշխատած է Պատկեռասփիւռի եւ ռատիոյի պետական կոմիտէին մէջ որպէս խմբագիր։
1975-1979-ին աշխատած է «Հայաստանի Աշխատաւորուհի» ամսագիրին մէջ։
1980-1981-ին աշխատած է Սփիւռքահայութեան հետ մշակութային կապի կոմիտէին մէջ։
1982-1990-ին «Սովետական Գրականութիւն» («Նորք») գրական-գեղարուեստական ամսագիրի գլխաւոր խմբագիրի տեղակալը եղած է։
1990-1994-ին «Առագաստ» շաբաթաթերթի գլխաւոր խմբագիր։
2007 թուականէն ՀՀ մշակոյթի վաստակաւոր գործիչ է։