Իւրաքանչիւր իր ունի իր պահպանման պայմանները եւ օգտագործման ժամկէտը, որուն լրանալուն պէս պէտք է թափել զայն:

Շատերս մեր անձնական իրերը կը բաժնեկցինք մեր ընտանիքի անդամներուն, մտերիմներուն եւ ընկերներուն հետ յաճախ մոռնալով, որ անոնք կրնան վնաս հասցնել մեր եւ մեր սիրելիներուն առողջութեան: Ստորեւ կը ներկայացնենք եօթը անձնական իրեր, զորս նախընտրելի չէ բաժնեկցիլ ուրիշին հետ:

Յաճախ մեր հիւրերուն հողաթափ կ’առաջարկենք: Աւելի լաւ է յատուկ հողաթափ գնել անոնց համար, որովհետեւ հողաթափին մէջ երբեմն մեր ոտքերը կը քրտնին եւ սնկային հիւանդութիւններ յառաջանալու վտանգը կը մեծնայ: Նախընտրելի է վեց ամիս անգամ մը հողաթափները փոխել:

Դէմքի մաքրութեան համար օգտագործուած բոլոր խոզանակներուն, յատուկ սպունգներուն, մերսումի գլաններուն վրայ ժամանակի ընթացքին կը կուտակուին մանրէներ, որոնք մաշկի վրայ պշտիկներ կրնան յառաջացնել:

Չմոռնանք, որ այս բոլոր պիտոյքները պէտք է օճառով լուալ ամէն գործածութենէ ետք, նաեւ փոխել զանոնք 2-3 ամիս անգամ մը:

Ձեր եղունգի բոլոր պիտոյքները պէտք է օգտագործուին միայն ձեր կողմէն, որովհետեւ այս պիտոյքները սնկային հիւանդութիւններու բոյն են: Մատնայարդարի քով այցելութեան ընթացքին վստահ եղէ՛ք, որ օգտագործուած իրերը ալքոլով հականեխուած են:

Ցամքոցին պարտականութիւնը մարմինին վրայի ջուրը ցամքեցնելն է:

Փորձագէտները խորհուրդ կու տան 3-4 օրուան ընթացքին փոխել ցամքոցները: Նախընտրելի է ցամքոցները գործածելէ ետք չորցնել ոչ խոնաւ միջավայրի մէջ:

Անուշահոտը նոյնպէս կրնայ մանրէներու բոյն ըլլալ: Նախընտրելի է զայն օգտագործել մաքուր մաշկի վրայ, որպէսզի խուսափինք մանրէներէն:

Բոլորս գիտենք, որ ուրիշին սանտրը օգտագործելը վատ գաղափար է: Նոյնը կը վերաբերի ծամակալներուն :Գլխամաշկի սունկը շատ հեշտութեամբ կը տարածուի ծամակալներուն միջոցաւ:

Ուրիշին ականջակալը գործածելը կրնայ միջին ականջի բորբոքումին պատճառ դառնալ: Նախընտրելի է ականջակալները շաբաթը անգամ մը մաքրել:

Շուշի քաղաք ,

արեգակնային սէգ բարձունքներէդ

ձմրան խուսաբուկ լուսաբացի պէս

որդիներդ հեռացան…

Անոնք հեռացան ՝

ցասկոտ պոռթկումներ իրենց շրթներուն,

ինչպէս աւազի վրայ համրուած

ոտնահետքերը խոյս տուող որսի,

Ինչպէս ալիքի մենութեամբ տարուած

ստուերը ճայի…

Յետադարձ դէմքով

տղայ մը փոքրիկ,

ափերը պարզած մօրը քղանցքին,

թաց աչքերուն մէջ

բառերը հատ-հատ կաթող անձրեւին,

եւ նոյն հարցումը դողդոջ շրթներուն՝

Կը կրկնէր մօրը,

– ե՞րբ ենք դառնալու

մեր տունը կրկին…