Արդէն  ամառնային արձակուրդը սկսած ենք վայելել: Ճամբորդութիւններու ծրագիրներ կը մշակենք, յատկապէս ծովագնացութիւն եւ բացօդեայ, անտառային պտոյտներ կը կազմակերպենք:

Արդարեւ, ճամբորդութիւններու մեկնելէ առաջ խիստ կարեւոր է իմանալ արեւային այրուածքներէն արդիւնաւէտ ձեւով պաշտպանուելու ձեւերը եւ այրուածքներու պարագային առաջին բուժօգնութեան կանոնները:

Արեւային այրուածքը մաշկին վնասուիլն է անդրմանիշակագոյն ճառագայթներու ուղղակի ազդեցութեան հետեւանքով:

Արեւային այրուածքի նշաններն են.

-Մաշկի կարմրութիւն

-Կարմիր բշտիկներու յայտնաբերում

1. Խուսափիլ արեւուն ուղիղ ճառագայթներէն  առաւօտեան 10:00-էն յետմիջօրէի 16:00-ի մէջ գտնուող ժամանակահատուածին: Յատկապէս այս շրջանին արեւուն ճառագայթները վտանգաւոր են:

2. Տաք օդին կրել լայնեզր գլխարկ եւ չմոռնալ արեւապաշտպան ակնոցները:

3. Հետազօտութիւնները պարզած են, որ տաք oրերուն նախապատուութիւնը պէտք է տալ մուգ կապոյտ հագուստին, որովհետեւ այդ գոյնն է, որ առաւելագոյնս կը պաշտպանէ մաշկը արեւուն ճառագայթներուն վնասակար ազդեցութենէն:

4. Այրուածքներու եւ մաշկի քաղցկեղի կանխարգելման կը նպաստեն SPF եւ PPD նշումներով արեւապաշտպան քսուկները՝ պաշտպանութեան գործօնի 30 կամ 50 աստիճանով:

Խուսափեցէ՛ք այրուածքի մակերեսին սառոյց տեղադրելէ:

Այրուածքին բուսաիւղ եւ սեր մի՛ քսէք:

Այրուածքի մակերեսին խոնաւ եւ բարակ հականեխուած կտոր դրէ՛ք:

Օգտագործեցէ՛ք այրուածքի յատուկ հակաբորբոքային դեղեր, որոնք կը նուազեցնեն կարմըրութեան աստիճանը:

Անհրաժեշտութեան պարագային դիմեցէ՛ք բժիշկին:

Բարի արձակուրդ կը մաղթենք ձեզի:

Ամրան տաք եղանակը կրնայ յանգեցնել նաեւ մարմինի ջրազրկումին եւ արեւահարութեան:

Ջրազրկումի կրնան ենթակայ ըլլալ բոլոր տարիքի մարդիկ, յատկապէս՝ մանուկներն ու  տարեցները:

Հարկ է դիմել հետեւեալ նախազգուշական քայլերուն՝ ձեր մարմինը զերծ պահելու տաքին հետեւանքով յառաջացող ջրազրկումէն.

1-Ջրազրկումը կանխելու լաւագոյն տարբերակը օրուան ընթացքին շատ ջուր խմելն է: Ջուրին կրնաք աւելցնել կիտրոնի շերտ մը, թարմ անանուխի տերեւներ… Հրաժարեցէ՛ք քաղցր եւ շատ պաղ կազային ըմպելիքներէն:

2- Ամրան եղանակին կրեցէք բաց գոյնով, թեթեւ հագուստներ: Հրաժարեցէ՛ք կպչուն կտորներէն եւ նախապատուութիւնը տուէ՛ք բամպակեայ, լայն տարբերակներուն:

3-Պաշտպանուեցէ՛ք արեւուն ուղիղ ճառագայթներէն: Ջանացէ՛ք կէսօրուան ժամերուն դուրս չելլել, իսկ եթէ այլ տարբերակ չունիք, գլխարկ ու ակնոց կրեցէ՛ք եւ արեւապաշտպան քսուկներ օգտագործածեցէ՛ք:

4-Խուսափեցէ՛ք միզամուղներէն: Միզամուղ դեղերն ու մթերքները կը նպաստեն մարմնի հեղուկի կորուստին: Չափաւոր ձեւով օգտագործեցէ՛ք սուրճը, կազային ըմպելիքները եւ այլն…

5- Առատօրէն կերէ՛ք պտուղի եւ բանջարեղէնի տեսականի: Ձմերուկը, վարունգը, լոլիկը, հազարը, խաղողի հիւթը միքրոտարրեր պարունակող մթերքներ են: Հետեւաբար առատօրէն սպառեցէ՛ք զանոնք, իսկ կծու, իւղոտ եւ առատօրէն համեմուած ուտեստները չափաւորեցէ՛ք:

6- Հրաժարեցէ՛ք երկար եւ ծանր մարզումներէն, որոնք քրտնարտադրութիւն կը պատճառեն, ինչ որ իր կարգին ջրազրկումի պատճառ է: Ձեզի հետ շիշով ջուր ունեցէ՛ք, որպէսզի մարզումէն առաջ, ընթացքին եւ յետոյ քիչ քիչ խմէք: