Նախարարութիւնը յայտնեց, որ ճամբուն եւ յարակից կամուրջներուն բոլոր վնասները ստուգելէ ետք, աշխատանքի խումբեր ուղարկած է շրջան անհրաժեշտ նորոգութիւններն ու շինարարական աշխատանքները կատարելու եւ ըստայնմ, ամենակարճ ժամանակամիջոցին, ճամբան բաց յայտարարելու համար։

Յիշենք, որ նախանցեալ օր Սուրիական Բանակի Հրամանատարութիւնը յայտարարեց Դամասկոս-Հալէպ միջազգային ճամբուն վրայ գտնուող Խան Շէյխունի եւ Մորաք, Լաթամնէ, Քաֆարզէյթա, Լըթմին ու Համայի հիւսիսային, իսկ Իտլիպի հարաւային շրջաններուն մէջ գտնուող շարք մը գիւղերու եւ աւաններու ազատագրումը։