-Չորեքշաբթի, 11 Դեկտեմբեր 2019-ին, ՍԱՆԱ հաղորդեց, որ Ասթանայի հովանաւոր պետութիւնները՝ Ռուսիա, Իրան եւ Թուր-քիա Ղազախստանի մայրաքաղաք Նուրսուլթանի մէջ տեղի ունեցած Ասթանայի 14-րդ նիստի աւարտին հանդէս եկած են հաղորդագրութեամբ, որուն մէջ վերահաստատած են Սուրիոյ ինքնիշխանութեան եւ տարածքային ամբողջականութեան պահպանման եւ ՄԱԿ-ի սկզբունքները յարգելու անհրաժեշտութիւնը, մինչեւ Սու- րիոյ ամբողջական ազատագրումը եւ զինեալ ահաբեկչական խմբաւորումներուն ոչնչացումը:
Երեք պետութիւնները կտրականապէս մերժած են սուրիական քարիւղի դաշտերուն ապօրինի բռնագրաւումը եւ շեշտած են, որ անոնք ուշ կամ կանուխ պէտք է Սուրիոյ կառավարութեան վերահսկողութեան անցնին:
Անոնք խստիւ դատապարտած են սուրիական հողերուն վրայ իսրայէլեան իրարայաջորդ յարձակումները, որոնք կը խախտեն միջազգային ու մարդկային օրէնքները եւ ողջ տարածաշրջանը վտանգի կ’ենթարկեն:
Աւարտին անոնք համաձայնած են յառաջիկայ նիստը գումարել Մարտ 2020-ին: