«Աֆթոնպլատէթ». «Սթոքհոլմի Մէջ Ահաբեկչութիւն Կատարողը Գործած Է ՏԱՀԵՇ-ի Հրամանով»

0

ԹԱՍՍ կը նշէ, որ «Աֆթոնպլատէթ» թերթը կը հաղորդէ, թէ Շուէտի մայրաքաղաք Սթոքհոլմի մէջ ահաբեկչական գործողութիւն կատարած ըլլալու յանցանքով ձերբակալուած, ուզպէք Ռահմաթ Աքիլով Քրոնոպերկի քննչական մեկուսարանին մէջ իրեն հետ հարցաքննութեան ընթացքին խոստովանած է, որ ոճիր գործած է: Հարցաքննութեան ատեն ի յայտ եկած է, որ ձերբակալուածը իսլամ է եւ ՏԱՀԵՇ ահաբեկչական կազմակերպութեան կողմնակից:

«Սուրիոյ մէջ ռմբակոծումները պէտք է դադրեցուին», յայտարարած է ան` աւելցնելով, որ ահաբեկչական գործողութիւն կատարելու հրամանը ստացած է Սուրիա գտնուող ծայրայեղականներէն:

Թերթին աղբիւրը մէջբերում կը կատարէ Աքիլովէն, որ յայտարարած է, թէ Սթոքհոլմի մէջ «վրայերթ կատարած է անհաւատներու դէմ»:

7 Ապրիլին գոցուած բեռնատարը, որ կը պատկանի «Սփենտրուփս» ընկերութեան, Սթոքհոլմի կեդրոնի Տրոթնինկաթան փողոցին վրայ վրայերթ կատարած էր մարդոց վրայ` փողոցէն անցնելով 550 մեթր: Ոստիկանութեան տուեալներով արձանագրուած է 4 զոհ եւ 15 վիրաւոր: Ահաբեկչական գործողութեան գործով դատախազութիւնը ձերբակալած է երկու մարդ, ներառեալ` ենթադրեալ յանցագործը:

Share.

About Author

Leave A Reply