Քալիֆորնիոյ Նահանգային Խորհրդարանի Անդամները Նշած են Հայոց Ցեղասպանութեան 102րդ Տարելիցը

0

Քալիֆորնիոյ նահանգային խորհրդարանի անդամները 17 Ապրիլին նշած են Հայոց Ցեղասպանութեան 102րդ տարելիցը: «Կը նշենք Հայոց Ցեղասպանութեան տարելիցը, որպէսզի յարգենք սպաննուած 1.5 միլիոն հայերու յիշատակը եւ շեշտենք հայերուն աւանդը՝ Քալիֆորնիոյ բարգաւաճման մէջ», ըստ «Նիւզ.ամ»-ի՝ նշած է Քալիֆորնիոյ խորհրդարանի անդամներէն Ատրին Նազարեան եւ աւելցուցած, թէ ճանաչման եւ կրթական ջանքերու շնորհիւ՝ ցեղասպանութիւններու կրկնումը կարելի է կանխել:

«Ամերիկահայերը ոչ միայն վերապրած են, այլ հարստացուցած են մեր համայնքները: Ցեղասպանութիւնը իսկական մարդկանց իսկական պատմութիւնն է: Ինծի համար, Ցեղասպանութիւնը կնոջս՝ Վանեսային, եւ անոր ընտանիքին պատմութիւնն է։ Յիշելով Ցեղասպանութեան սարսափները՝ մենք քայլեր կ՛առնենք, որպէսզի անիկա երբե՛ք չկրկնուի», իր կարգին ըսած է Քալիֆորնիոյ նահանգային Ծերակոյտի անդամ Սքաթ Ուիլք։

Share.

About Author

Leave A Reply