Արցախի Ֆութպոլի Վեթերաններու Խումբը Միջազգային Մրցաշարքին Առաջին Դիրքը Գրաւեց

0

Աբխազիոյ առաջին նախագահ Վլատիսլավ Արձինպայի յիշատակին նուիրուած ու Քաքրա քաղաքին մէջ 10 Մայիսին սկսած ֆութպոլի վետերաններու 6-րդ միջազգային մրցաշարքին մէջ, 16 Մայիսին տեղի ունեցած եզրափակիչ խաղին Արցախի ֆութպոլի վետերաններու խումբը առաջին տեղը գրաւած է:

«Արցախփրէս»-ի համաձայն, եզրափակիչ խաղի ընթացքին, Արցախի խումբը հանդիպած է Ռուսական Դաշնութեան Պիատիկորսկի խումբին հետ և 2-0 հաշուով յաղթանակ նուաճած: Արցախի խումբի ղեկավար Կարէն Վանեան յայտնած է, որ մրցաշարքի ընթացքին մեր տղաքը արձանագրած են 23 կոլ, անոնցմէ վրիպած է ընդամէնը 1 գնդակ ու լաւագոյն խումբ ընտրուած են: Բացի այդ յաղթանակէն, Արցախի խումբէն մրցաշարքի լաւագոյն խաղցող ճանչցուած է Լևոն Մկրտչեանը, լաւագոյն յարձակող՝ Արսէն Սարգիսեանը (9 կոլ) և լաւագոյն դարպասապահ Ալեքսանտր Մելքումեանը:

Մրցաշարքին կը մասնակցէին 9 խումբեր՝ Աբխազիայէն, Արցախէն, Հարաւային Օսիայէն և Ռուսաստանի Դաշնութեան զանազան երկրամասերէ։

Նշենք, որ անցեալ տարի, Աբխազիոյ առաջին նախագահ Վլատիսլավ Արձինպայի յիշատակին նուիրուած ֆութպոլի վետերաններու 5-րդ մրցաշարքին Արցախի ֆութպոլի վետերաններու խումբը գրաւած էր 2-րդ դիրքը՝ արժանանալով արծաթեայ մետալի և բաժակի:

Share.

About Author

Leave A Reply