Ազգութեամբ ատրպէյճանցի օփերայի երգիչ Իւսիֆ Էյվազով «քաղաքական նկատառումներէ մեկնելով»` հրաժարած է ելոյթ ունենալ հայուհի սոփրանօ Ռուզան Մանթաշեանի հետ:
forumopera.com-ը կը տեղեկացնէ, որ երկու արուեստագէտները պէտք է միասին ելոյթ ունենային 7 Փետրուարին` Dresden opera ball-ի մէջ:
Դիմատետրի իր էջին մէջ գրառում կատարած է նաեւ աշխարհահռչակ օփերայի երգչուհի Յասմիկ Պապեան:
«Ու՞ր հասած ենք… ազգութեամբ ատրպէյճանցի, սոփրանօ Աննա Նեթրեպքոյի ամուսինը` երգիչ Իւսիֆ Էյվազով, հրաժարած է 7 Փետրուարին հանդէս գալ հայ երգչուհի Ռուզան Մանթաշեանի հետ` պատճառաբանելով անոր հայ ըլլալը: Շատ անգամ երգած եմ յիշեալ օփերային թատրոնին մէջ, չեմ կրնար մտաբերել նմանատիպ երեւոյթ: Պատրաստ եմ բողոքի ձայն բարձրացնել…», յայտնած է Յասմիկ Պապեան:
