Հալէպի պետական համալսարանի տնօրէնութիւնը Ատամնաբուժական համալսարանի դեկան նշանակեց տոքթ. Էլիզապէթ Սարգիսը։
Էլիզապէթ Սարգիս ծնած է Հալէպ, 1970-ին, աւարտած է Դամասկոսի ատամնաբուժական համալսարանը, ապա նոյն համալսարանէն ստացած է իր դոկտորականը։
Կը դասաւանդէ Հալէպի Ատամնաբուժական համալսարանի եւ մագիստրոսականի բաժիններուն մէջ։ Նախապէս կը զբաղեցնէր Ատամնաբուժական համալսարանի գիտական հարցերու փոխդեկանի պաշտօնը։
Հեղինակ է գիտական բազում յօդուածներու, թարգմանութիւններու եւ հետազօտութիւններու, որոնք հրատարակուած են տեղական, արաբական եւ միջազգային մամուլին մէջ։
Իր դոկտորականի պատրաստութեան շրջանին գործակցած է Լոնտոնի Էսթման համալսարանին հետ։ Գործուղուած է Թուլուզի, Ֆրանսա, Ատամնաբուժական համալսարանը։
2018-ին մասնակցած է Սոչիի միջսուրիական բանակցութիւններու խորհրդաժողովին։