Հայաստանի Ազգային ժողովը մամլոյ հաղորդագրութիւն տարածած է, որուն մէջ յիշուած է, որ Սահմանադրական դատարանի երեք դատաւորներուն, ինչպէս նաեւ դատարանի նախագահի լիազօրութիւնները դադրած են: Նախ` կարեւոր է հասկնալ, թէ ի՞նչ իրաւական ուժ ունի այս հաղորդագրութիւնը: Միւս կարեւոր հարցումը` կրնա՞ն արդեօք Հանրապետութեան նախագահը, կառավարութիւնը եւ դատաւորներու ընդհանուր ժողովը 27 Յունիսէն սկսեալ թեկնածուներ առաջադրել, ինչպէս նշուած է հաղորդագրութեան մէջ:
Ծանօթանալով Ազգային ժողովի կայքին մէջ հրապարակուած մամլոյ հաղորդագրութեան` յստակ պէտք է արձանագրել`
- Այս հաղորդագրութիւնը չունի եւ չի կրնար որեւէ իրաւական ուժ ունենալ:
- Ազգային ժողովի լիազօրութիւններու իրականացման շրջանակներուն մէջ վերջինս չունի նման անուանումով եւ բովանդակութեամբ իրաւական արարք ընդունելու որեւէ իրաւասութիւն:
- Անգամ հակասահմանադրական ճամբով ընդունուած` Սահմանադրութեան փոփոխութեան նախագիծով` Սահմանադրական դատարանի դատաւորներու լիազօրութիւններու դադրեցման որեւէ ընթացակարգ եւ պատասխանատու մարմին նշուած չէ:
- Աւելին` Սահմանադրական դատարանի մասին սահմանադրական օրէնքին համաձայն` անոնք բոլորը կը շարունակեն իրենց պաշտօնավարումը:
- Սահմանադրական դատարանի դատաւորի կամ նախագահի լիազօրութիւններու դադրեցման ընթացակարգերն ու անհրաժեշտ փաստաթղթաւորումը նկարագրուած է դատարանի գործունէութիւնը կարգաւորող օրէնքով եւ բացառապէս Սահմանադրական դատարանին եւ դատարանի նախագահին վերապահուած է:
- Անբացատրելի է թէ ինչպէ՞ս կրնայ երեք դատաւորներու փաստաթուղթերը յայտնուած է Ազգային ժողովին, որ բոլոր երեք դատաւորները, տարբեր տարիներուն Հանրապետութեան նախագահի կողմէն նշանակուած են, այլ ոչ թէ Ազգային ժողովին:
- Ազգային ժողովի անունով տարածուած մամուլի հաղորդագրութիւնը իշխանութեան իւրացման կամ սահմանադրական կարգի տապալման յանցակազմի իրեղէն ապացոյցն է: Ան անօրինական միջամտութիւն է եւ անորմով առաջնորդուիլը նոր յանցագործութիւններու առիթ կը դառնայ:
Օրուան իշխանութիւնները օրինականութեան սահմաններ պէտք է վերադառնան: