ՆՍՕՏՏ ԱՐԱՄ Ա. ԿԱԹՈՂԻԿՈՍ ԵՒ ՀՅԴ ԲԻՒՐՈՅԻ ԱՆԴԱՄԸ ԱՅՑԵԼԵՑԻՆ ՊԷՅՐՈՒԹԻ ՊԱՅԹՈՒՄԻՆ ՀԵՏԵՒԱՆՔՈՎ ՎՆԱՍՈՒԱԾ ՊՈՒՐՃ ՀԱՄՈՒՏԻ ՀԱՅԿԱԿԱՆ ԹԱՂԱՄԱՍԵՐԸ

0

ՆՍՕՏՏ Արամ Ա. Վեհափառ Հայրապետը երբ իմացաւ Պէյրութի մէջ տեղի ունեցած պայթումին մասին, կը գտնուէր Սուրբ Աստուածածին Վանքին մէջ եւ քանի մը միաբան հայրերու ընկերակցութեամբ անմիջապէս ուղղուեցաւ վնասուած Պուրճ Համուտի հայահոծ թաղամասեր:

Նորին Սրբութունը, ՀՅԴ Բիւրոյի անդամ Յակոբ Խաչերեանի, Պուրճ Համուտի քաղաքապետին եւ պատասխանատու մարմիններու ներկայացուցիչներուն հետ շրջեցաւ հայահոծ թաղերը, հանդիպում ունեցաւ վիրաւոր հայորդիներու հետ, օրհնեց զանոնք ու բարի ապաքինում մաղթեց անոնց եւ մօտէն ծանօթացաւ տիրող կացութեան:

Յայտնենք, որ Հայրապետը Պուրճ Համուտէն մեկնելէ առաջ նիւթական օժանդակութիւն տրամադրեց քաղաքապետարանին, որպէսզի մեր ժողովուրդին անմիջական կարիքները հոգացուին:

Նշենք, որ Փաղանքաւոր կուսակցութեան ընդհանուր քարտուղար Նիզար Նաճարեան պայթումին հետեւանքով մահացած է:

Share.

Leave A Reply